College SA - Ons akkreditasie

Back

Ons akkreditasie

Alles wat jy wil weet oor Geakkrediteerde Kolleges en Geakkrediteerde Verskaffers van Opleiding, Geakkrediteerde Kursusse, Geakkrediteerde Opvoeding en hoe om Akkreditasie van SETA na te gaan.

College SA is ‘n Geakkrediteerde Verskaffer van Opleiding (Geakkrediteerde Kollege)

College SA [SA College of Home Study (Pty) Ltd] is voorwaardelik geregistreer as ‘n VOO-kollege ingevolge die Further Education and Training Colleges Act, 2006 (Wet No 16 van 2006) tot en met 31 Desember 2015. Registrasienommer: 2009/FE07/099. Sertifikaatnommer: 0362-P.

College SA is deur SETA Geakkrediteer

College SA is ‘n Geakkrediteerde Verskaffer by FASSET (SETA vir Finansies, Rekeningkunde, Bestuursraadgewing en ander Finansiële Dienste). Verskafferskode: 585/00787/08. College SA se akkreditasiestatus is deur die Departement van Onderwys by Umalusi (Council for Quality Assurance in General and Further Education and Training) bevestig en geverifieer.

Hoe bevestig ek die FASSET Akkreditasie van ‘n Kollege?

FASSET het besluit dat Verskaffers (Kolleges) wat vir FASSET-kwalifikasies geakkrediteer is nie op FASSET se webblad sal verskyn nie.

FASSET verklaar dat voornemende leerders en studente hul ETQA-departement (Education and Training Quality Assurance) kan kontak om die akkreditasie van ‘n verskaffer of kollege te bevestig. Die Bestuurder van die ETQA-departement van FASSET is Natércia Faustino.

Om te bevestig dat ‘n kollege deur FASSET geakkrediteer is, kontak asseblief die ETQA-departement by FASSET:

Telefoon: (011) 476 8570
Faksnommer: (011) 476 5756
E-posadres: This e-mail address is being protected from spambots. You need JavaScript enabled to view it
Inbelsentrum: 086 101 0001
Webblad: www.fasset.org.za
Fisiese adres: Blok A
Ava Office Park
H/v Beyers Naude en Judges Rylaan
Blackheath
Randburg
Posadres: Posbus 6801
Cresta
2118

Hoe bevestig ek of ‘n Kollege by die Departement van Onderwys geregistreer is?

Die Departement van Onderwys wys nie op die oomblik ‘n lys van Geregistreerde Verskaffers (of Kolleges) op hul webblad nie.

Jy is welkom om die Direkteur: Privaat VOO-kolleges by die Departement van Onderwys te kontak om ‘n Kollege of Verskaffer van Opleiding se registrasie te bevestig. Die huidige Direkteur: Privaat VOO-kolleges by die Departement van Onderwys is dr P M Buthelezi. Die Departement van Onderwys se kontakbesonderhede is as volg:

Posadres: Direkteur
Privaat VOO-kolleges
Departement van Onderwys
Privaatsak X895
Pretoria
0001
Fisiese adres: Sol Plaatjie Huis
Schoemanstraat 123
Pretoria
Gauteng
0001
Inbelsentrum: 012 312 5878
Faksnommer: 012 323 8817
E-posadres: This e-mail address is being protected from spambots. You need JavaScript enabled to view it (Dié e-posadres word teen “Spambots” beskerm.
Jy het JavaScript nodig om dit te gebruik.)
Webblad: www.education.co.za

Wat is ‘n VOO-kollege?

VOO (Verdere Onderwys en Opleiding) is die onderwys en opleiding wat op NKR vlakke 2, 3 en 4 aangebied word (neem kennis dat NKR4 dieselfde akademiese vlak as Graad 12 is), insluitend beroepsgeoriënteerde onderwys en opleiding in tegniese kolleges, gemeenskapskolleges en privaat kolleges. Privaat instellings wat VOO-programme aanbied, moet by die Departement van Onderwys registreer ingevolge die Wet op Verdere Onderwys en Opleiding, 1998 (Wet No 98 van 1998).

Verdere Onderwys en Opleidingkolleges (VOO-kolleges) streef daarna om onderwys en opleiding van ‘n hoë standaard te lewer om jou te help om jouself met die kwalifikasies en vaardighede te bekwaam wat jy nodig het om jou gegewe loopbaanrigting te volg. Jy sal onskatbare lewensvaardighede opdoen om die vele uitdagings van die beroepswêreld met meer as slegs ‘n kwalifikasie op papier te trotseer. Die onderwys en opleiding wat by ‘n VOO-kollege aangebied word, is aangepas by en reageer op die behoeftes van leerders en die bedryf, en die beroepe wat dié kolleges aanmoedig, is noodsaaklik vir die ekonomiese opheffing van die Suid-Afrikaanse ekonomie. ‘n VOO-beroepsgerigte program sal jou vir ‘n suksesvolle en lonende loopbaan bekwaam in ‘n industrie wat ‘n groot behoefte aan jou praktiese vaardighede, ervaring en kennis het, en sal jou ook toegang tot hoër onderwys en lewenslange leer gee.

Die Departement van Onderwys

Een van die Departement van Onderwys se doelwitte is om:

‘n aktiewe verdere onderwys en opleidingstelsel (VOO-stelsel) te skep om die jeug en volwasse leerders te bekwaam om aan die maatskaplike en ekonomiese behoeftes van die 21ste eeu te voldoen.

Hul visie is:

...van ‘n Suid-Afrika waarin al ons mense toegang tot lewenslange onderwys- en opleidingsgeleenthede het, wat op sy beurt sal bydra tot die verbetering van die lewenskwaliteit en die bou van ‘n vreedsame, voorspoedige en demokratiese samelewing.

Ons stel voor dat jy die Departement van Onderwys se webblad besoek om meer inligting oor hulle te kry: http://www.education.gov.za.

Umalusi

Umalusi is ‘n statutêre organisasie wat die standaarde vir algemene en verdere onderwys en opleiding (AOO en VOO) in Suid-Afrika bepaal en reguleer met die doel om die gehalte van onderwys en opleiding voortdurend te verbeter.

Hulle het vyf belangrike funksies:

Om kwalifikasies en kurrikulums te evalueer om te verseker dat dit aan die voorgeskrewe standaarde voldoen;
Om assesserings te modereer om te verseker dat dit regverdig, geldig en betroubaar is;
Om navorsing te doen om te verseker dat gehalte opvoeding gehandhaaf word;
Om instellings te akkrediteer wat onderrig lewer en assessering doen; en
Om leerders se bekwaamhede te sertifiseer.

Bron: www.umalusi.org.za.

Wat is ‘n SETA?

SETA is die afkorting vir die Sektorale Onderwys- en Opleidingowerheid. Hul doel is om vaardigheidsplanne te ontwikkel en in werking te stel wat op spesifieke sektors gefokus is, om leerskappe te registreer en te bevorder, en om by die Suid-Afrikaanse Kwalifikasie-owerheid (SAKO) om akkreditasie as ‘n ETQA-liggaam (Education and Training Quality Assurance) vir kwalifikasies in sy sektor aansoek te doen.

Vyf-en-twintig SETA’s is op 20 Maart 2000 deur die voormalige Minister van Arbeid, mnr Madladlana, gestig. Dit is die Minister van Arbeid se verantwoordelikheid om te verseker dat daar ‘n SETA is wat elke sektor in die arbeidsmark verteenwoordig. Boonop moet die Minister vasstel watter behoeftes werknemers en werkgewers het en verseker dat soortgelyke middels, prosesse en tegnologie gebruik word om toegang tot die verskillende SETA’s te verkry.

Hier is ‘n lys van sommige van die SETA’s:

Volle naam	Afkorting
Financial Accounting Services	FASSET
Banking Sector Education and Training Authority	BANKSETA
Chemical Industries Education and Training Authority	CHIETA
Clothing, Textiles, Footwear and Leather Education and Training Authority	CTFLSETA
Construction Education and Training Authority	CETA
Education, Training and Development Practices Sector Education and Training Authority	ETDPSETA
Energy Sector Education and Training Authority	ESETA
Food and Beverages Manufacturing Industry Sector Education and Training Authority	FOODBEVSETA
Forest Industries Sector Education and Training Authority	FIETA
Health and Welfare Sector Education and Training Authority	HWSETA
Insurance Sector Education and Training Authority	INSETA
Local Government Sector education and Training Authority	LGSETA
Media, Advertising, Publishing, Printing and Packaging Education and Training Authority	MAPPPSETA
Mining Qualifications Authority	MQA
Manufacturing, Engineering and Related Services Education and Training Authority	MERSETA
Public Services Education and Training Authority	PSETA
Services Sector Education and Training Authority Services	SETA
Tourism and Hospitality Education and Training Authority	THETA
Transport Education and Training Authority	TETA
Wholesale and Retail Sector Education and Training Authority	W&R SETA

Bron: Coetzee et al 2007:33

Wat is FASSET?

FASSET is die SETA vir Finansies, Rekeningkunde, Bestuursraadgewing en ander Finansiële Dienste. FASSET se missie sluit die volgende in:

Om die bevoegdheid van werknemers en potensiële werknemers te verbeter ten einde produktiwiteit in die sektor te verhoog.
Om die vlak van belegging in onderwys en opleiding in dié sektor te verhoog en om die beleggingsinkomste te optimaliseer.
Om werkgewers en werknemers aan te moedig om ‘n kultuur van lewenslange leer te kweek.
Om die gehalte van onderwys en opleiding in die sektor te verseker en om die ontwikkeling van standaarde in ooreenstemming met die NKR te ondersteun en om dié standaarde aktief te bemark.
Om die voorsiening van onderwys en opleiding in die sektor te vergroot deur sterk vennootskappe met openbare en publieke verskaffers van onderwys en opleiding te sluit.
Om samewerking tussen die openbare en privaat sektors te verbeter.
Om die doelstellings van die Wet op Gelyke Indiensneming van 1998 te steun.
Om toegang tot studiegeleenthede in die sektor te verbeter.
Om die sektor as die “loopbaankeuse sektor” vir voornemende leerders en nuwe toetreders tot die arbeidsmark te vestig.

www.fasset.org.za

SAKO en die NKR

Die Suid-Afrikaanse Kwalifikasie-owerheid (SAKO) is ‘n instelling met 29 lede wat deur die Ministers van Onderwys en Arbeid aangestel is. Dié lede verteenwoordig die verskeie aandeelhouers, byvoorbeeld sake, nie-regeringsorganisasies (NRO’s), unies en onderwys-, opleiding- en ontwikkelingsverskaffers.

SAKO is daarvoor verantwoordelik om kwalifikasies en standaarde op die Nasionale Kwalifikasieraamwerk (NKR) te registreer en terselfdertyd verseker SAKO dat leerders dié kwalifikasies en standaarde bereik.

Die Nasionale Kwalifikasieraamwerk is op ‘n kredietstelsel vir die bereiking van leeruitkomste gebaseer. Die NKR bestaan uit 8 vlakke wat in 3 bane verdeel is, naamlik Algemene Onderwys en Opleiding (AOO), Verdere Onderwys en Opleiding (VOO) en Hoër Onderwys en Opleiding (HOO).

Daar is 8 verskillende bane (of vlakke) binne die NKR:

NKR-vlak	Band	Tipe Kwalifikasie
8	Hoër onderwys en opleiding	Post-doktorale navorsingsgrade Doktorale grade Meestersgrade
7		Professionele kwalifikasies Honneursgrade
6		Nasionale grade Hoër diplomas
5		Nasionale diplomas Nasionale sertifikate

NKR-vlak	Band	Tipe Kwalifikasie
4	Verdere Onderwys en Opleiding	Nasionale sertifikate
3
2

NKR-vlak	Band	Tipe Kwalifikasie
1	GENERAL EDUCATION AND TRAINING	Nasionale sertifikate ABET-vlak 4 Graad 9

Die Suid-Afrikaanse Kwalifikasie-owerheid (SAKO) het die volgende verantwoordelikhede:

Om oor die ontwikkeling van die NKR toesig te hou deur beleide en maatstawwe vir die registrasie van liggame te formuleer en te publiseer wat vir die vestiging van onderwys- en opleidingstandaarde of -kwalifikasies verantwoordelik is, en vir die akkreditasie van liggame wat vir die monitering en ouditering van prestasie in ooreenstemming met sodanige standaarde en kwalifikasies verantwoordelik is; en

Om oor die inwerkingstelling van die NKR toesig te hou deur die registrasie, akkreditasie en toewysing van funksies aan die bogenoemde liggame te verseker, sowel as die registrasie van nasionale standaarde en kwalifikasies op die raamwerk. Dit moet ook stappe doen om te verseker dat daar aan die voorwaardes vir akkreditasie voldoen word en, waar van toepassing, dat geregistreerde standaarde en kwalifikasies internasionaal vergelykbaar is.

Bron: http://www.saqa.org.za

Webskakels:

Fasset:	www.fasset.org.za
Departement van Onderwys	www.education.gov.za
Umalusi:	www.umalusi.org.za
SAKO:	www.saqa.org.za

Wil jy meer weet? Het jy hulp nodig? Bel ons dan tolvry by 0800 21 23 22 of vul hierdie vorm in en ons sal met jou in verbinding tree:

Ons verskaf graag artikels en raad in Afrikaans, maar ongelukkig is ons studie-materiaal slegs in Engels beskikbaar.